لحظات علي تلّ جارف ..

كتير بتسرقنا اللحظات الحلوة تخرج أجمل ما فينا من جوانا 

تعيشنا أحلي أوقتنا وتمحو اليأس اللي ملانا

لحظات كدا لها طعم خاص تحس إنك عايش بعالم تاني عالم مليان أحلام وأماني

أممممممم !!!! تحس كدا إنها نشوة بالقلوب تحول كل ضيق وهم لرضا يجري فـ الدم

تلاقيها لحظات بتسيطر علي وجدانك تسحب كل الغيوم من قدامك تفتحلك كل الطرق لأحلامك
تتعلق وقتها أوي بأحلامك وتحس إن السكه سالكه قدامك
تفضل تغوص مش فارقه ظلمة وعتمة الأعماق وبترمي وراء دهرك كل كُره ونفاق
ترسم طريق وسط حقول الأشواك
وكتير وكتير تتفتحِ لُه بيبانك من لحظه حلوة تخترق وجدانك

لحظات تصدّفك

فـ لحظة يشرح الإيمان صدرك
فـ لحظة تساعد حد يكون بجد محتاجلك
فـ لحظة تقابل شخص له معزة علي قلبك
فـ لحظة تقربك من حلم شاغل فكرك
فـ لحظة نجاح تصدفك في شغًلك
فـ لحظة حلوة تعيشها وسط أهلك
فـ كل لحظة حلوة تسرقها من وقتك


بس أوحش ما فـ اللحظات الحلوة إنها مبدومش كتير ديماً تزورنا 

ونلاقيها من تاني تغيب عنا
وفين وفين لما نقابلها من تاني

لحظات نلاقي فيها اللي ماسكها ومتعلق ومش راضي عن حلمه يتخلى

وغيره زوالها بالنسباله بساط يتسحب من تحت أقدامه ويجي يفوق ميشوفش قدامه

وتبقى بأخر المطاف

لحظات علي تلّ جارف
عارف ليه ؟؟ ..

لحظات للي متعلق بها هتثبته وهيقدر يعدي الصعب وعمره ما هينجرف
وغيره اللي صُدم إنها لحظات وهتمُر هينحني وغصب عنه هيسقط
لانها ببساطة زي ما بدءت كلامي وختمت


ستبقى

لحظات علي تلّ جارف ..

وعجبـــــــــــــــي ..