كتير مننا فـ بداية حياته كان محتاج حد زيُه كدا دلوقت !! ..

كتير مننا فـ بداية حياته كان محتاج حد زيُه كدا دلوقت !!
حد يكون عاش تجارب الألم وتجارب تاني كتير إتعلم منها وداق مرارها وحلوها كويس عشان ينصحه ويبقى جمبه ..

حد يعرفنا ان أي حُب غير الحلال مبيدومش ولازم يزول
حد ينصحنا ويقولنا إن المُتع الحرام مسير مُتعتنا بيها تنتهي وهنرجع نندم عليها ونقول ياريتنا
حد يصححلنا مفاهيم كتير غايبة عنا محدش علمهلنا بالبيت ولا بالمدرسة
حد نُقعد معاه تحس النصيحة من جواه خارجة بحُرقة تحسه كدا زي اهلك عايزنك تبقى احسن منهم ..

فعلاً كُل واحد مننا كان محتاج حد زيُه كدا فـ بداية حياته !! ..

مستني ..

مستني ..

اشوف الدُنيا بيك
والفرحة احسها بعنيك
حتى الحزن والألم أنساهم بيك
و عن العالم كُله استغنى بيك

من الآخر مستنيك وواثق إن ربنا مش هيخيب ظني فيكـ ..

عارفة وقت ما ربنا يجمعنا مع بعض ببيت واحد ..

 

عارفة وقت ما ربنا يجمعنا مع بعض ببيت واحد ..
حياتك دي هخليها جنة بإذن الله .. العهد دا أنا واخده على نفسي بقالي سنين عارف إن غلطاتي كتير وياما عملت حاجات كانت تضايقك بس واثق إن ربنا هيهديني عشانك وعشان أنا نيتي كُلها خير ..

هتصحي الصُبح كدا تلاقيني محضرلك الفطار هو مش لازم كُل يوم يعني بس أهو على قد ما أقدر أهم حاجة إني أفرحك ..
وقت ما نخلص الأكل سوا أو حتى بعد الضيوف ما تمشي هنقسم شغل البيت بينا يعني أنا مثلاً عليا غسيل الأطباق وإنتي التنشيف ..
وكُل واحد فينا عليه يختار للتاني اللبس اللي هيلبسه عشان يُخرج بيه وهبطل كلمة برحتك واللي إنتي شيفاه عشان عارف إنها هضايقك ..
وأهم حاجة فـ دا كُله إنِ هكون إمامك فـ الصلاة وبإذن الله مش هنفوت فرض أبداً وهنقوم الليل سوا وفـ رمضان بقى دا هنكون حاجة تاني هنافس بعض فيه نشوف مين فينا اللي هيسبق التاني فـ الطاعات والعبادات وأكيد فينا اللي هيخسر هيجيب هدية للفايز :) ..

عارفة أنا بفكر بحاجات كتير أووي يمكن مقولتهاش بس هي جوايا تتلخص إنِ هكون ليكي الأب والأم والأخ والأخت والصحبة وكُل شئ من الآخر هعوضك عن كُل الناس بإذن الله ..

قلوبنا كتير بتوجعنا ..

قلوبنا كتير بتوجعنا ..

أوقات بنطنشها وأوقات لازم نسمعها
ولازم نضحك لان الدنيا من غير ضحكة ملهاش معنى
ووقت ما تنجرح أوووي قرب من نفسك واسمعها يمكن يكون عندها تفسير للي حصل و معنى
واياكـ فـ يوم تقسى على روحك أصلها زي الشمعة لو يوم أتحرقت صعب ترجعها ..

الحياة محتاجة حبة حاجات كدا عشان نعديها !! ..

 

الحياة محتاجة حبة حاجات كدا عشان نعديها !!

نفوس صافية متشلش من بعضيها ..
ضحكة بريئة تطلع من القلب مفيش خُبث فيها ..
قلوب يكون أجمل ما فيها خوفها علي بعضيها ..
صُحبه صالحة تنسى همومك وأوجاعك وسطيها ..

حد فهم حاجة !! ..

تعرف  لما  تكتب  حاجة  من  جوا  قلبك  بجد  فـ وقت  حسيت  فيه  بإحساس  معين  إتملِككـ  ويعدي  عليك  الوقت  وتنسى  الكلمين  دول  وبعدها  يمُر عليك  أكتر  من  يجي  ميلون  إحساس  تانِ  وبرضو  فـ كُل  إحساس  تطلعُه  فـ كلمتين  تكِتبُهم  وفـ الآخر  تنساهم عارف  أحلى  ما  فـ دا  كُله  إيه ؟؟ أنه  وقت  ما يجي  حد  يقرأ  كلامك  حتى  لو  بعد  ألف  سنة  ويكون  إحساسُه  قريب  من  الكلام  دا  بجد  هيلاقِ  إنك  وفرت  كتير  عليه  وطلَعت  من  جواه  حاجات  كانت  يمكن  من  الصعب  عليه  يعّبر  عنها حد  فهم  حاجة !! ..

فقد كان يحلُم ويتمنى ..

كان يحكي لي ويخبرني عنها ويقول لي أنه فرَح كثيراً لما تجملت بالنقاب كان هذا اليوم من أسعد أيام حياته وكل يوم يكلمني كثيراً عنها ويقول لي عنها الكثير والكثير يوماً إنها رفضت أن تخرج معه وحدها دون مُحرم ويوماً قبلت يدا ابويه ويوماً حنت على أخ وته البنات كل يوم كانت تكبُر بنظره أكثر وأكثر ومن أسعد أيامه ايضاً عندما طلبت منه وأخبرته أنها تُريد أن يكون فرحها إسلامياً وشكت له من أهلها وأصدقائها لانهم يعارضونها فـ ذلك فقبض على يديها وقال لها أنا معك وهذا يكفيكي قالت له أنه تُريد أن تكُن له وحده ولا تُريد أن يراها ولا ينظُر لها أحدِ غيره أخبرته أنها حافظت على نفسها كثيراً من فتن الدنيا كي يصبح هو مالِكها الوحيد لا أن يكون قد شاركه غيره فيها قبل ذلك ولو بنظره أخبرني عنها لم تكُن يوماً بالمتشددة ولم يراها يوماً تُرغم أصدقائها على شئ كانت من بين أصدقائها من هي محجبة ومنهم من لم تتحجب إلى الآن ومنهم من هي على غير دينها قال لي كثيراً أنه قبل أن يلتقيها يحلُم بها كثيراً قبل أن يراها تمنى كل شئ فيها وعندما أكرمه الله ورأها تشبث بها كالطفل بأمه وأقسم على نفسه أنه لسوف يتقي الله فيها ما حيا هكذا كان يًحدثني علقي عنها وما زال يُحدثني كثيراً وكثيراً ويحلُم بكل هذا دون أن يحدُث شئ
فقد كان يحلُم ويتمنى ..

فضفضة ع الماشي ..

بئالي فترة كبيرة مكتبتش حاجة وبصراحة إيدي بتكُلني زي ما بيقولوا وكان نفسي أكتب وملقتش مناسبة أكتب فيها طول الفترة اللي فاتت بس من كام يوم كدا حصلي موقف خلاني أفكر أكتب حالوا بقى تتحملوني وخلاص

بُص يا صاحبي حاول ببداية أي علاقة مع أي إنسان كائناً من كان إنك بقدر المُستطاع حاول تتحكم بمشاعرك ومش كُل حاجة تيجي ببالك تعملها ولا أي إحساس تحسه تجاه الشخص دا تخرجة مرة وحدا مش لازم الحد دا يكون بنت تحبها أو العكس ممكن تجاه صاحب أو صاحبة ليكي تجاه أي علاقة من أي نوع فـ ناس وسطنا وقت ما بتحب أو تتعلق بحد بتُخلص له اوي فوق أي وصف وتحاول بشتئ الطُرق إنها تفرح الشخص دا من الآخر كدا بيبقى نفسه يجبله الدنيا هدية له ودا شئ مش وحش أبداً والعيب مش فينا ولا بأحاسيسنا تجاه الأشخاص دي العيب بيكون فـ الشخص اللي مبيقدرش دا أو بمعنى أصح أنه صحيح بيفرح بينا فترة وبيفرح بتصرفتنا دي وبيشكرنا كتير عليها ويفضل يمدّح فينا وللأسف دا لمجرد فترة مش أكتر ومع الأسف الناس دي بعد فترة مش هقولك بتزهق مننا بس أي حد جديد يشدها نحيته تنسى بثواني كُل اللي كان منك وممكن بالمرة تنساك ولا حتى تفرق معاهم !!

بيحصل يا فعلاً محدش يستغرب عارفين المشكلة دي أساسها إيه ؟؟ مشكلتها بتكمُن فـ البعض منا وبأكد ع البعض لأن مش كُل الناس تملُك الملَكة دي هي فـ ناس وقت ما بتحب أو تتعلق بحد بتتعلق به وبتعمل كل حاجة تفرحة حتى لو مكنش يعرفه كويس بيحاول هو نفسه يتخيل ايه ممكن يفرح الشخص دا وبيعمله وبيعمل تصرفات ممكن فيها يجي ع نفسه وصحتة عشان يفرح الشخص دا وهو بيعمل كل دا بيكون حاطط ببالة إن الشخص اللي بيعمل عشانه كُل دا حاسس باللي بيعمله ومقدره وبيتوقع كمان منه رُدود فعله كمان قبل ما تحصل وهنا بقى الصدمة الي بتفوقنا
” إن الشخص اللي عملنا عشانه كُل دا مأخدتش باله أو مش بباله كُل اللي بنعمله وكُل توقعتنا له تروح فـ الهواء والشخص دا ولا بيعمل ولا هيعمل أي حاجة عشانا لأنه هو بالأساس مش زينا ولا عمره هيحس بالأحاسيس والحاجات اللي جوانا ..

بس خلاص خصلت فضفضة واللي يفهم أكيد بيوم مرّ بحاجة زي كدا واللي مش فهم يحاول مرة وإتنين يقرأ الكلام دا تاني وصدقني اللي بيُخرج من القلب بيوصل للقلب ع طول .. 

عارف إيه معنى تِحبك بصمت وصبر !! ..

يعني تفضل طول الليل والنهار صاحية تطمن عليك من بعيد لبعيد عشان متحسش بيها يعني فـ كُل سجدة بتصليها تفضل تدعي ربنا إنك تكون ليها يعني لو تحب حاجة هي تحبها من غير ما تفكر ودا مش بئديها يعني تفضل طول الوقت تقرأ فـ كلامك وتحفظه ولانتاش داري بيها يعني تفضل تُنشر فـ حسناتك الجارية عشان تهديلك ثوابهم ومش مستنيه تقول شكراً ليها يعني إنك تبقى ديماً سبب بوجعها ومنتاش حاسس بيها وبرغم كُل دا تفضل أغلى أمانيها يعني تفضل تحلم وتحلم بحياتها معاك ووتخطط لكُل حاجة ويا عالم ممكن متكونش ليها ..

عارف هي قد ايه باقية عليك وشرياك !! ..

عارف هي قد ايه باقية عليك وشرياك !! .. ياما قولت كلام كتير جرحها وباتِت و دموعها علي خدها ومجاولتش حتى تحسسك ولو بوجودها
ياما كدبت وعِملِت نفسها مصدّقة وأوقات مش واخده بالها عشان إنت أغلى عليها من نفسها
أوقات كتير غلطت وأسئت الظن بيها ورجعتلها من تاني تعتذر لِقيتها حطيت إيدها على بوقك عشان متكملش ومتنكِسرش قُدمها
نسيتها كتير وياما تجاهلت وجودها وبرغم كُل دا إنت مغبتش عن بالها وقلبها
غفرتلك كُل ذلاتك وأخطائك اللي تعرفها واللي حتى متعرفهاش كُل دا عشان شرياك
أوقات كتير كانت بدور على البسمة وتشتريها عشان ترسمها على شفايفك وقت حُزنك وكالعادة تفرح وتنساها وهي مكملة فـ إخلاصها ليك ومش منتظرة منك حاجة
نِسيتلك وهتنسالك كُل هفواتك وهتفضل شيلاك بقلبها أجمل ذكرى لو مهما الدُنيا فرقت بيوم بينكم ..

إحساسها بيه فوق كُل وصف وخوفها عليه مشوفتهوش !! ..

بتبقى لسه يا دوب صاحية وتلاقيها جِريت فتحت الفيس عشان تشوف إذا كان نزل بوست جديد على صفحتة منُه تطمن عليه تفرح أوي لو يوم لقيته فـ بوست فرحان مش محتاجة تعرف إيه السبب ولا حتى عندها فضول ولا فكرت بيوم و إتمنت تكون هي سبب الفرحة كُل همها هو يفرح والسلام وياااه لو يوم حسيت أو قريت بوست حزين منه متتخيلش حالتها شكلها ايه وقتها أبسطها تصوم عن الأكل ولو بإيدها تروح تطمن عليه وتعرف إيه اللي بيه وجواه برغم إنه ممكن ميكونش واخد باله منها !! ..

إحساسها بيه فوق كُل وصف وخوفها عليه مشوفتهوش !! ..

عارف لو يوم يحس بيها ولا ياخد باله من وجودها حوليه ولا هي ممكن تعمل ولا عملت عشانه إيه .. صدقّني هتلاقيه يندم ويتحسر على كُل لحظة عشاها من غيرها حتى لو مكانش بإديه ..

فـ يوم هتصحى هتلاقيها فُرجتّ من وسع ..

فـ يوم هتصحى هتلاقيها فُرجتّ من وسع .. واللي كُنت خايف منه يتبدل وتبقى الدُنيا زي العسل
واللي كُنت بتتمناه وتحلم بيه تلاقيه حصل
واللي كُنت مستني رُجوعه هتفتح بابك تلاقيه وصل
واللي كان زعلان منك ضحكلك وإنبسط
واللي كان فـ قلبك كان لازم يُخرج عشان يصفى ويتغسل
واللي نِسيك وهجرك من تاني يوصل حبلُه اللي إنفصل ..